पाल्पा उद्योग वाणिज्य संघ द्धारा स्थानिय विकास अधिकारी तथा प्रमुख जिल्ला ईन्जिनियरलाई स्वागत
पाल्पामा सरुवा भई आउनु भएका स्थानिय विकास अधिकारी श्री राम प्रसाद पाण्डे तथा प्रमुख जिल्ला ईन्जिनियर श्री निर्मल प्याकुरेल लाई पाल्पा उद्योग वाणिज्य संघले स्वगत कार्यक्रम सम्पन्न गरेको छ । सो कार्यक्रममा संघका अध्यक्ष श्री मोहन प्रसाद श्रेष्ठले स्थानिय विकास अधिकारी श्री राम प्रसाद पाण्डेज्यूलाई तथा प्रमुख जिल्ला ईन्जिनियर श्री निर्मल प्याकुरेलज्यूलाई टिका तथा खादा लगाई संघका विभिन्न प्रकाशनहरु प्रदान गर्नु भएको थियो । सो कार्यक्रममा बोल्नु हुँदै संघका अध्यक्ष श्री मोहन प्रसाद श्रेष्ठले विभिन्न आयोजनाहरु, विभिन्न कार्यक्रमहरु, तथा मेला महोत्सवकोे अवसरमा जिल्ला विकास समितीको सहयोगको चर्चा गर्नु हुंदै आगामी दिनमा पनि यसप्रकारको सहयोगको अपेक्षा गर्नु भएको थियो । पाल्पा उद्योग वाणिज्य संघका अध्यक्ष मोहन प्रसाद श्रेष्ठले पाल्पा उद्योग वाणिज्य संघ जिल्ला विकास समितिको सम्बन्धको बारेमा चर्चा गर्नु भएको थियो भने राम प्रसाद पाण्डेज्यूले संघ लगायत पाल्पा जिल्लाको विकासको लागि गर्नु पर्ने सहयोगलाई निरन्तरता दिईने बताउनु भएको थियो । कार्यक्रम संघका अध्यक्ष मोहन प्रसाद श्रेष्ठको अध्यक्षता र महासचिव यादव सिंह कार्कीको सञ्चालनमा सम्पन्न गरिएको थियो ।