समाचार र कार्यक्रमहरू

पाल्पा उद्योग वाणिज्य संघको पत्रकार सम्मेलन

फाल्गुन १२ गते देखि २२ गते सम्म तानसेनको टुडिखेल मैदानमा संचालन हुन गईरहेको पाल्पा महोत्सव २०७३ को सन्र्दभमा पाल्पा उद्योग वाणिज्य संघले पत्रकार सम्मेलन गरेको थियो ।
उक्त पत्रकार सम्मेलन मा बोल्दै पाल्पा उद्योग वाणिज्य संघका अध्यक्ष मोहन प्रसाद श्रेष्ठले संघले आफ्नो स्थापनाकालदेखि नै संघमा आवद्ध उद्योगी व्यापारी व्यवसायी सदस्यहरुको पेशागत हकहितका साथै सामाजिक उत्तरदायित्व बहन गर्ने क्रममा जिल्लाकै आर्थिक, सामाजिक, शैक्षिक विकासमा टेवा पुग्ने खालका अनगिन्ती गतिविधिहरु अनवरत् रुपमा सम्पन्न गर्दै आईरहेको बताउनुभएको थियो । प्रचार प्रसार उपसमितिका संयोजक शैलेन्द्र भटराईले पाल्पा उद्योग वाणिज्य संघको मुख्य आयोजनामा हुने उक्त महोत्सवले पाल्पा जिल्लाको कृषि, पर्यटन, घरेलु उद्योग तथा व्यापारको व्यवसायिक प्रवद्र्धन, जिल्लाको कला, संस्कृतिको संरक्षण र संवद्र्धनका साथै संघको बहुउद्देश्यीय भवन निर्माणका लागि सहयोग जुटाउने मूख्य उद्देश्यका साथ पाल्पा महोत्सव–२०७३ आयोजना गर्न लागेको बताउनुभएको थियो । उक्त कार्यक्रम पाल्पा उद्योग वाणिज्य संघका अध्यक्ष मोहन प्रसाद श्रेष्ठको अध्यक्षता र वाणिज्य उपाध्यक्ष शैलेन्द्र भटराईको संचालनमा सम्पन्न भएको थियो ।