समाचार र कार्यक्रमहरू

बिदाई तथा स्वागत कार्यक्रम

पाल्पामा रहेको नेपाली सेनाको चण्डी प्रसाद गणका गणपति प्रमुख सेनानी श्री दीर्घ बहादुर चन्द तथा सम्पुर्ण गणको सरुवा भएको तथा सो स्थानमा गोरखनाथ दल गणका नि. गणपति सेनानी श्री डिल्लीराम ढकाल सरुवा भई आउनु भएकोले असार २७ गते एक कार्यक्रमको आयोजना गरि बिदाई तथा स्वागत कार्यक्रम सम्पन्न गरिएको थियो । सो कार्यक्रममा संघका अध्यक्ष श्री मोेहन प्रसाद श्रेष्ठले गणपति दीर्घ बहादुर चन्द लाई टिका तथा खादा लगाई एवं मायाको चिनो प्रदान गरि बिदाई गर्नु भएको थियो भने नि. गणपति श्री डिल्लीराम ढकाल लाई टिका तथा खादा लगाई संघका विभिन्न प्रकाशनहरु प्रदान गरि स्वागत गर्नुभएको थियो । सो कार्यक्रममा बोल्नु हुँदै संघका अध्यक्ष श्री मोहन प्रसाद श्रेष्ठले विभिन्न समय तथा मेला महोत्सवको अवसरमा चण्डी प्रसाद गणले गरको सहयोगको चर्चा गर्नु हुंदै आगामी दिनमा गोरखनाथ दल गणबाट पनि पनि यसप्रकारको सहयोगको अपेक्षा गर्नु भएको थियो । चन्डस् प्रसाद गणका गणपति श्री ीर्घ बहादुर चन्दले पाल्पा उद्योग वाणिज्य संघ र नेपाली सेनासँगको सम्बन्धको बारेमा चर्चा गर्नु हुदैं पाल्पा उद्योग वाणिज्य संघ संगको सहकार्यले उदाहरणिय कार्य कर्नेल उजिर सिंह थापाको पुर्ण कदको शालीक स्थापना गर्न र प्रधानसेनापतिको करकलमबाट उद्घाटन गर्न सक्षम भएको बताउनुभएको थियो । भने गोरखनाथ दल गणका नि. गणपति श्री डिल्लीराम ढकाल नेपाली सेनाले संघ लगायत पाल्पा जिल्लाको विकासको लागि गर्नु पर्ने सहयोगलाई निरन्तरता दिईने बताउनु भएको थियो ।