समाचार र कार्यक्रमहरू

पाल्पा उद्योग वाणिज्य संघका अध्यक्ष एवं नि.अध्यक्षलाई बधाई तथा शुभकामना कार्यक्रम सम्पन्न

पाल्पा उद्योग वाणिज्य संघका अध्यक्ष मोहन प्रसाद श्रेष्ठ एवं निवर्तमान अध्यक्ष श्री राजु महर्जन लाई बुधबार एक कार्यक्रम आयोजना गरि सम्मान गरिएको थियो ।
नेपाल उद्योग वाणिज्य महासंघ प्रदेशिक महासंघ प्रदेश नं ५ को मिति २०७४ जेष्ठ १५ गते सोमबारको दिन बुटवलमा भएको प्रथम अधिवेशनबाट नयाँ कार्यसमितिको निर्वाचनमा कोषाध्यक्ष जस्तो गरिमामय पदमा पाल्पा उद्योग वाणिज्य संघका अध्यक्ष श्री मोहन प्रसाद श्रेष्ठ निर्विरोध निर्वाचित हुनुभएकोमा तथा पा.उ.वा संघका नि.अध्यक्ष श्री राजु महर्जन समग्र पाल्पाको सामाजिक विकासको लागि उल्लेखनीय योगदान पु¥याए वापत गणतन्त्र दिवसको अवसरमा २०७४ साल जेष्ठ १२ गते सम्माननीय राष्ट्रपति विद्या देवि भण्डारीज्यूबाट प्रवल जनसेवाश्री मानपदवी विभूषणबाट विभूषित हुनुभएकोमा पाल्पा उद्योग वाणिज्य संघ परिवार द्धारा बधाई तथा शुभकामना कार्यक्रम आयोजना गरिएको थियो । सोही कार्यक्रममा बोल्दै पाल्पा उद्योग वाणिज्य संघका पुर्व अध्यक्ष मधुदयाल सैजु, चकोरमान शाक्य, हरि रायमाझी तथा सल्लाहकार बुद्धि प्रसाद शर्माज्यूले यो अवसर अत्यन्तै हर्षित एवं गौरववान्वीत भएको बताउनुभएको थियो र आगामी दिनहरुमा पनि संस्थाको गरिमा उच्च राख्ने आशा राख्दै उत्तरोत्तर प्रगतिको कामना गर्नुभएको थियो । तथा सम्पुर्ण कार्यसमिति सदस्यहरुले यस अवसरमा उवाहरुलाई बधाई तथा शुभकामना व्यक्त गर्नुभएको थियो । उक्त कार्यक्रमको संचालन पाल्पा उद्योग वाणिज्य संघका महासचिव यादव सिंह कार्कीले गर्नुभएको थियो ।