नवनिर्वाचित तानसेन नगरपालिकाका प्रमुख, उपप्रमुख तथा सम्पुर्ण वडा अध्यक्षज्यू हरुलाइ स्वागत एवं बधाई कार्यक्रम सम्पन्न
पाल्पा उद्योग वाणिज्य संघले २०७४।०३।१४ गते सम्पन्न स्थानिय तहको निर्वाचनमा नवनिर्वाचित हुनुभएका तानसेन नगरपालिकाका प्रमुख, उपप्रमुख तथा सम्पुर्ण वडा अध्यक्षज्यू हरुलाई स्वागत एवं बधाई कार्यक्रम सम्पन्न गरेको छ ।
कार्यक्रममा स्वागत मन्तव्य राख्दै पाल्पा उद्योग वाणिज्य संघका अध्यक्ष मोहन प्रसाद श्रेष्ठज्यूले विगत लामो समय करिब दुई दशक देखि हुन नसकेको स्थानिय तहको निर्वाचन हाल आएर यहि मिति २०७४ असार १४ गते सम्पन्न भएकोले देशमा विकासको आशाको किरण पलाएको र यस निर्वाचनले जनतामा खुसियाली छाएको बताउनुभएको थियो साथै अव तानसेन नगर एवं पाल्पा जिल्ला तथा समग्र राष्ट्रले विकासको गति लिन्छ र मुलुक आर्थिक सम्बृधीको अभियानमा अगाडी बढ्छ भन्नेमा पाल्पा उद्योग वाणिज्य संघ परिवार पुर्ण विश्वस्त रहेको बताउनुभएको थियो ।
कार्यक्रममा बोल्दै नवनिर्वाचित हुनुभएका तानसेन नगरपालिकाका नगर प्रमुख अशोक कुमार शाहीले सर्वप्रथम यस नगरमा जनताको न्यूनतम आधारभुत आवश्यकता बाटो, पानि र बिजुली लाई जोड दिएर अगाडी बढ्रदै तानसेन नगरपालिका लाई स्मार्ट सिटिको रुपमा विकसित गर्ने बताउनुभएको थियो । उक्त कार्यक्रमको अध्यक्षता पाल्पा उद्योग वाणिज्य संघका अध्यक्ष मोहन प्रसाद श्रेष्ठले गर्नुभएको थियो भने कार्यक्रम संचालन यादव सिंह कार्कीले गर्नुभएको थियो ।