समाचार र कार्यक्रमहरू

स्वागत कार्यक्रम सम्पन्न

पाल्पा जिल्लामासरुवा भई आउनु भएका जिल्ला कृषि विकास कार्यलय बरिष्ठका कृषि विकास अधिकृत किशोर मान श्रेष्ठ एवं तथा तानसेन नगरपालिकाका कार्यकारी अधिकृत पुश्कर भट्ठराई लाई पाल्पा उद्योग वाणिज्य संघले २०७४ बैषाख २१ गते विहिबार स्वागत गरेको छ । कार्यक्रम संघका अध्यक्ष श्री मोहन प्रसाद श्रेष्ठज्यूको अध्यक्षतामा सम्पन्न स्वागत कार्यक्रममा कृषि विकास अधिकृत किशोर मान श्रेष्ठ तथा कार्यकारी अधिकृत पुश्कर भट्ठराई लाई स्वागत सम्मान स्वरुप पाल्पाली ढाका टोपी र खादा ओढाउनुका साथै संघका प्रकाशनहरु प्रदान गर्नु हुँदै अध्यक्ष मोहन प्रसाद श्रेष्ठले संघले विगतमा जिल्लाको आर्थिक सामाजिक विकासका लागि गरि आएका कार्यहरुको साथै सार्वजनिक निजी साझेदारी अवधारण अनुरुप गरियका उदाहरणीय कार्यहरुलाई निरन्तरता दिदै आएको जानकारी गराउदै विगतमा कृषि तथा नगरपालिका कार्यलयको सहयोगका कारण विभिन्न किसिमका उल्लेखनीय कार्यहरु सम्पन्न गर्न सकेको बताउनुभयो ।
स्वागत कार्यक्रममा संघका पदाधिकारी एवं सदस्यहरुले जिल्लालाई राम्रो बनाउन नीजि क्षेत्रको तर्फबाट आफुहरुले सहयोग गर्न तयार रहेको बताएका थिए । संघका उद्योग उपाध्यक्ष राजेन्द्र प्रसाद श्रेष्ठले पाल्पा जिल्ला अत्यन्त सुन्दर पर्यटकिय नगरी भएको र यसको सुन्दरता तथा सरसफाई व्यवस्थापनमा गर्नको लागि तानसेन नगरपालिका तथा कृषि कार्यलयको अत्यन्त महत्वपुर्ण भुमिका रहेको भबताउनुभएको थियो । कार्यक्रममा उपस्थित कार्यसमितिका पदाधिकारीहरु सदस्यहरु, सल्लाहकारहरु, कर्मचारीहरुको परिचय सहित सम्पन्न उक्त कार्यक्रमको संचालन महासचिव श्री यादव सिंह कार्कीले गर्नु भएको थियो ।