समाचार र कार्यक्रमहरू

चितवन उद्योग वाणिज्य संघको महिला भ्रमण टोलीको स्वागत

चितवन उद्योग वाणिज्य संघका महिला उपसमिति संयोजक श्री रजनी मास्केको नेतृत्वमा १५ सदस्यीय अध्ययन अवलोकन भ्रमण टोलीलाई यस संघले स्वागत गर्दै टोली सहभागीहरुसँग छलफल कार्यक्रम सम्पन्न गरेको थियो । संघका अध्यक्ष श्री मोहन प्रसाद श्रेष्ठज्यूको अध्यक्षतामा सम्पन्न स्वागत तथा छलफल कार्यक्रममा स्वागत मन्तव्य व्यक्त गर्दै संघका अध्यक्ष श्री मोहन प्रसाद श्रेष्ठले संघको ऐतिहासिक पृष्ठभुमि सहित संघबाट भए गरिएका गतिविधिहरुको बारेमा प्रकाश पार्नु भएको थियो । त्यस्तै गरी भ्रमण टोलीका महिला उपसमिति संयोजक श्री रजनी मास्केले भ्रमणको उद्देश्यमाथि प्रकाश पार्नु हुँदै संघबाट हुने गरेका महिला सम्बन्धी गतिविधिका सम्बन्धमा व्यापक छलफल गरिएको थियो । कार्यक्रममा दुई उ.वा.संघहरुबीच मायाको चिनो लगायत प्रकाशनहरु आदानप्रदान गरिएको थियो । संघका वाणिज्य उपाध्यक्ष शैलेन्द्र भट्टराईले धन्यवाद ज्ञापन गर्नु भएको उक्त कार्यक्रमको संचालन महासचिव यादव सिंह कार्कीले गर्नु भएको थियो ।